नव्या दालनातील ‘हाऊस ऑफ ज्वेल्स – बाय बाफनाज्’ला एक वर्ष पूर्ण!

महा पोलीस न्यूज । दि.११ ऑक्टोबर २०२६ । ग्राहकांचा विश्वास आणि दर्जेदार दागिन्यांच्या माध्यमातून अल्पावधीत वेगळी ओळख निर्माण करणाऱ्या जळगावातील ‘हाऊस ऑफ ज्वेल्स – बाय बाफनाज्’ या दालनाच्या नव्या वास्तूतील पहिल्या वर्धापनदिनानिमित्त ‘कृतज्ञता महोत्सवा’चे आयोजन करण्यात आले आहे. ११ ते २० ऑक्टोबरदरम्यान आयोजित या महोत्सवाचा प्रारंभ मान्यवरांच्या उपस्थितीत दीपप्रज्वलन करून करण्यात आला. यानिमित्त जाहीर करण्यात आलेल्या ‘स्वर्ण शृंगार’ योजनेत सोन्या-चांदीच्या तसेच हिरे आणि पोल्की दागिन्यांच्या घडणावळीवर विशेष सवलती मिळणार आहेत.

मान्यवरांच्या उपस्थितीत महोत्सवाचा शुभारंभ

नवरात्रोत्सवाच्या शुभमुहूर्तावर सुरू झालेल्या या महोत्सवाच्या उद्घाटनप्रसंगी खासदार स्मिताताई वाघ, आमदार सुरेश भोळे (राजूमामा), डॉ. उल्हास पाटील, डॉ. वैभव पाटील, अनिल कांकरिया, लखीचंद जैन आणि डॉ. आकाश जैन यांच्यासह बाफना परिवारातील सदस्य, ग्राहक आणि हितचिंतक उपस्थित होते.

यावेळी कस्तूरचंद बाफना, सुनील बाफना, अनिता बाफना, अभिषेक बाफना, आयुषी बाफना, ऋषभ बाफना, ऐश्वर्या बाफना, देशना तसेच सहकाऱ्यांची उपस्थिती होती. दरम्यान, जिल्हाधिकारी रोहन घुगे यांनीही दालनाला भेट देऊन वर्धापनदिनानिमित्त शुभेच्छा दिल्या. त्यांनी दालनातील सोने, चांदी आणि हिऱ्यांच्या विविध दागिन्यांची पाहणी केली.

चांदीच्या दागिन्यांपासून सुवर्ण दालनापर्यंतचा प्रवास

‘हाऊस ऑफ ज्वेल्स – बाय बाफनाज्’ने २०२१ मध्ये चांदीचे दागिने, चांदीच्या वस्तू, पूजासाहित्य, हिरे आणि राशिरत्नांच्या विक्रीतून व्यवसायाची सुरुवात केली. ग्राहकांशी विश्वासाचे नाते निर्माण करत व्यवसायाचा विस्तार करण्यात आला. त्यानंतर २२ सप्टेंबर २०२५ रोजी नवरात्रोत्सवाच्या घटस्थापनेच्या दिवशी रिंग रोडवरील नव्या भव्य दालनात सुवर्ण दागिन्यांच्या व्यवसायालाही सुरुवात झाली.

नव्या वास्तूतील एक वर्षाचा टप्पा पूर्ण झाल्यानिमित्त ग्राहकांनी दिलेल्या प्रेमाबद्दल आणि सहकार्याबद्दल कृतज्ञता व्यक्त करण्यासाठी या महोत्सवाचे आयोजन करण्यात आले आहे. पारदर्शक व्यवहार, योग्य मूल्य, माफक घडणावळ आणि ग्राहकांना वैयक्तिक मार्गदर्शन ही दालनाची प्रमुख वैशिष्ट्ये असल्याचे सांगण्यात आले.

‘स्वर्ण शृंगार’ योजनेत घडणावळीवर आकर्षक सूट

नवरात्रोत्सव, दसरा आणि आगामी लग्नसराईच्या पार्श्वभूमीवर दागिन्यांची खरेदी करणाऱ्या ग्राहकांसाठी ‘स्वर्ण शृंगार’ ही विशेष योजना जाहीर करण्यात आली आहे. या योजनेअंतर्गत पुढील सवलती देण्यात येणार आहेत.

• सोन्याचे दागिने : घडणावळीवर २५ टक्के सूट
• हिरे आणि पोल्की दागिने : घडणावळीवर ३० टक्के सूट
• चांदीचे दागिने : घडणावळीवर १५ टक्के सूट
• चांदीच्या वस्तू : एमआरपीवर १० टक्के सूट

ही योजना ११ ऑक्टोबर ते १४ डिसेंबर २०२६ या कालावधीत लागू राहणार आहे. याशिवाय, महोत्सवाच्या कालावधीत २४ कॅरेट सोन्याच्या शिक्क्यांवर मजुरी आकारली जाणार नसल्याचा विशेष लाभही जाहीर करण्यात आला आहे.

रिंग रोडवरील दालनात खरेदीची संधी

सुवर्ण, चांदी, हिरे आणि पोल्की दागिन्यांच्या विविध आकर्षक डिझाइन्सची उपलब्धता, शुद्धतेची खात्री, प्रमाणित दागिने आणि पारदर्शक व्यवहार यांवर दालनात भर दिला जात असल्याचे सांगण्यात आले. सणासुदीच्या काळात तसेच लग्नसराईसाठी दागिन्यांची खरेदी करू इच्छिणाऱ्या ग्राहकांना या योजनेचा लाभ घेता येणार आहे.

जळगाव शहरातील रिंग रोडवर, जेडीसीसी बँकेसमोर असलेल्या ‘हाऊस ऑफ ज्वेल्स – बाय बाफनाज्’च्या दालनाला भेट देऊन ग्राहकांनी या महोत्सवाचा लाभ घ्यावा, असे आवाहन व्यवस्थापनातर्फे करण्यात आले आहे.